هذه الميزة لوحدها كفيلة بجعل Pop!Os يتفوق على اوبونتو ubuntu

بعالم لينكس في نوعين من الواجهات الرسومية في ما يسمى desktop environment أو بيئة سطح المكتب و في ما يسمى Window manager أو مدير النوافذ بيئة سطح المكتب هي عبارة عن حزمة متكاملة من التطبيقات التي بتغطي كافة احتياجات المستخدم و طبعاً هي النوع الأكتر شيوعاً و استخداماً أما مدير النوافذ فهوي مسؤول بس عن تحديد موقع كل نافذة عالشاشة و إنشاء الإطار الخاص فيها و ما بيجي معو أي برامج إضافية في نوعين من مدراء النوافذ: مدير النوافذ العائمة (floating) و هوي الشكل التقليدي اللي كلنا متعودين عليه بحيث انو وقت بفتح أي نافذة فهي النافذة ممكن انها تظهر بأي مكان على سطح المكتب و ممكن اني حركها و غير حجمها باستخدام الماوس و وقت بفتح نافذة جديدة فرح تكون فوق النافذة الأولى و لهيك كمان هاد النوع بيتسمى التراكمي stacking أما النوع التاني من مدير النوافذ فهو البلاطي أو الطوبي tiling window manager المهم، الفكرة بهاد النوع انو وقت افتح نافذة فهي رح تاخد كامل المساحة المتاحة على سطح المكتب و وقت بفتح نافذة تانية فرح تقل مساحة النافذة الأولى للنص و النافذة التانية بتاخد النص المتبقي فأنا إذا كنت حابب جرب هالنوع من مدراء النوافذ بس بنفس الوقت لسا مالي مستعد إني نزل مدير نوافذ مستقل لحتى ما روح و نزل كل برنامج و أداة لحالها فالحل بيجي من فريق system76. فريق system76 هنن المطورين لتوزيعة Pop!Os عملو إضافة للبيئة الرسومية اللي بيستخدموها و اللي هي gnome (طبعاً بيستخدمو إصدار أقل من الإصدار الأخير) لحتى يعطو مستخدم نظامهن ميزة البلاطات بدون ما يكون محتاج لإنو ينزل مدير نوافذ مستقل

https://github.com/pop-os/shell ... https://www.youtube.com/watch?v=j1F-FW-BEB0